65 տարի՝ Ֆանի Արդան. «Թե որքանով եմ ես հայ ու որ կողմից, ընտանեկան գաղտնիք է» (լուսանկարներ)

Հռչակավոր ֆրանսիացի դերասանուհի Ֆանի Արդան. ավելի քան 70 ֆիլմ, խաղացել է նաև թատրոնում, որպես ռեժիսոր նկարահանել է ֆիլմեր: 1949 թ. հենց այս օրը` մարտի 22-ին է ծնվել դերասանուհին և 20 տարեկանից սկսկել  իր դերասանական կարիերան:

Առաջին ճանաչումը Արդանին բերել է «Հարևանուհիները» հեռուստադրաման, որի համար 1982-ին լավագույն դերասանուհի անվանակարգով առաջին անգամ ներկայացվեց «Սեզար» մրցանակի:

Ի սկզբանե նրան համբավ էր բերել թարմ գեղեցկությունը, բայց ժամանակի ընթացքում դերասանական վարպետությունը Արդանին դարձրեց Ֆրանսիայի ամենասիրված դերասանուհիներից մեկը։

2011-ին «Ոսկե ծիրան» կինոփառատոնի շրջանակներում Ֆանի Արդանը եկել էր Հայաստան: Իր հայկական արմատների մասին շրջանառվող լուրերի մասին նա հրաժարվել էր պատասխանել, միայն ասել էր. «Թե որքանով եմ ես հայ ու որ կողմից, ընտանեկան գաղտնիք է ու լրագրողներին այդ մասին չեմ ասի»:

Նա միաժամանակ ավելացրել է, որ ազգն ու ծագումը այդքան էլ չի կարևորում. կարևորը մարդն է: