Պոլիտեխնիկի նախադեպը խուճապի է մատնել ռեկտորներին

Հայաստանի պետական ճարտարագիտական համալսարանի ռեկտորի ժամանակավոր պաշտոնակատար Հովհաննես Թոքմաջյանը ոչ կոռեկտ է համարում իր նախորդի` Արա Ավետիսյանի կատարած չարաշահումները: Նա հավաստիացրել է, որ Արա Ավետիսյանից հետո պաշտոնավարելու որևէ խնդիր չի ունենա:

«Հիշեցնենք, որ ութ ամիս շարունակ Պոլիտեխնիկի աշխատակազմը պայքարում էր Արա Ավետիսյանի դեմ, և մարտի 18-ին տոնեցին երկար սպասված հաղթանակը: Նկատենք, որ Պոլիտեխնիկի պատմությունը նախադեպային է մյուս ռեկտորների համար, ովքեր այս դեպքից հետո խուճապահար փորձում են շտկել իրենց արած-չարածը, քանի դեռ իրենց կոլեկտիվների համբերության բաժակը չի լցվել»,-գրել է «Հրապարակ»-ը: