Ռամոսն ու Ռոնալդուն կարող են պատժվել

Մադրիդի «Ռեալի» պաշտպան Սերխիո Ռամոսն ու հարձակվող Քրիշտիանու Ռոնալդուն կարող են պատժվել` Իսպանիայի առաջնության 29-րդ տուրի «Բարսելոնի» (3:4) հետ խաղում գլխավոր մրցավար Ալբերտո Ունդիանո Մալենկոյին վիրավորելու համար: Այս մասին տեղեկացնում է «Football Espana»-ն:

Իսպանիայի կարգապահական կոմիտեն մոտ օրերս կքննի այս գործը, և մեղադրանքը հաստատվելու դեպքում «Արքայական ակումբի» 2 ֆուտբոլիստները կպատժվեն որակազրկմամբ և գումարային տույժով: