Ամենից շատ կարդացված նյութեր
.jpg "Գրիգոր Ազիզյան. «Զվարթնոցի»-ի Կլոր մասնաշենքը պահպանելու գործընթացով ենք գնում")
Գրիգոր Ազիզյան. «Զվարթնոցի»-ի Կլոր մասնաշենքը պահպանելու գործընթացով ենք գնում
«Զվարթնոց» օդանավակայանի հին՝ Կլոր մասնաշենքը կարող է պահպանվել, կոնցեսիոները պատրաստակամություն է հայտնել այդ ուղղությամբ աշխատանքներ տանելու: Այսօր լրագրողների հետ հանդիպմանը Հանրային խորհրդի քաղաքաշինության և ճարտարապետության հարցերի ենթահանձնաժողովի նախագահ Գրիգոր Ազիզյանը ներկայացրեց Քաղավիացիայի գլխավոր վարչությունում օրերս տեղի ունեցած շենքի պահպանման վերաբերյալ քննարկման մանրամասները:
«Շատ բովանդակալից քննարկում էր, որոշակիորեն անսպասելի: Կոնցեսիոները, Քաղավիացիայի վարչությունը, զգալով իրավիճակը, որում հայտնվեց հարցը, որոշել են տալ հնարավորություն՝ փորձելու պահպանել շատ մեծ արժեք ունեցող Կլոր մասնաշենքը: Աշխատանքներ են տարվելու սեյսմիկ անվտանգությունը բարձրացնելու համար և քննարկվելու են այն օգտագործելու տարբերակները: Կոնցեսիոների ներկայացուցիչն ասաց, որ ճարտարապետները կվերանայեն մոտեցումները՝ փորձելով պահպանել շենքը, որը, ըստ նրանց, շատ վատ վիճակում է գտնվում»,- մանրամասնեց Գրիգոր Ազիզյանը:
Նա նշեց, որ իրենց ինժեներներն ասում են հակառակը, այդպիսի խնդիր չկա. «Այն մի քիչ ավելի լավ վիճակում է, քան Երևանի որոշ շենքեր»:
Գրիգոր Ազիզյանի խոսքով, եթե շահագործողի մասնագետները չգտնեն շենքն ուժեղացնելու տարբերակներ, ապա իրենց ինժեներներն ու ճարտարապետները կաջակցեն նրանց, կփորձեն գտնել այն լուծումները, որ կբավարարեն բոլորին: Նա նշեց նաև, որ շենքի ամրացման համար պահանջվում է 10-12 մլն դոլար: Ըստ ճարտարապետի, շենքը կարող է ծառայել այլ նպատակների համար:
«Հիմա մենք կառույցը պահպանելու գործընթացով ենք գնում: Ինչ նպատակներով է օգտագործվելու, դեռ հայտնի չէ, որոշ մասը հենց որպես օդանավակայան էլ կարող է ծառայել: Մինչև այս գործընթացը սկվելը Ճարտարապետների միջազգային կազմակերպությունն էլ էր նախկին խորհրդային հանրապետություններին դիմել՝ այդ ժամանակաշրջանի շենքերը պահպանելու պահանջով: Հիմա գործընթաց չի լինի, մինչև այդ ուսումնասիրությունները»,- հավելեց նա:
Գրիգոր Ազիզյանը կարծում է, որ պետք է փորձել ևս մեկ անգամ դիմել Մշակույթի նախարարությանը՝ շենքը պահպանվող հուշարձանների ցանկում մտցնելու համար:
Նախորդիվ՝
Քննարկվել է «Զվարթնոց» օդանավակայանի հին ուղևորային համալիրի պահպանման հարցը
«Կործանելով գնալու ենք». Մտավորականներն անհանգիստ են
«Զվարթնոցի» Կլոր շենքի քանդման դեմ էլէկտրոնային ստորագրահավաք է սկսվել
Ճարտարապետ. «Զվարթնոց»-ի հին շենքն ուղղակի խնամքի կարիք ունի
«Զվարթնոցի կլոր շենք»-ի հետ կապված ՀԽ-ն իր հերթին քննարկելու է Կոնցեսիոների առաջարկները
Մինասյան. Զվարթնոցի հին մասնաշենքը քանդելու կառավարության որոշում չկա
ՀԽ-ն չի ստացել «Զվարթնոց»-ի կլոր շենքի հետ կապված մի շարք հարցերի պատասխաններ
Կարծիքներ Զվարթնոցի Կլոր շենքը քանդելու որոշման շուրջ
«Զվարթնոց» օդանավակայանի հին մասնաշենքը հաստատ կքանդվի. Արտյոմ Մովսեսյան
«Զվարթնոցի» հին շենքի մասին ևս մեկ անձնական կարծիք. Արտյոմ Մովսեսյան
Հանրային խորհուրդը դեմ է «Զվարթնոցի» հին շենքի քանդմանը. «Հիմնավոր փաստարկներ չկան»
Studio One