Ամենից շատ կարդացված նյութեր

11:12 29/03/2014

Սահմանին անհանգիստ է. ՊՆ-ն հակառակորդին լռեցնելուն ուղղված քայլեր է ձեռնարկում

Վերջին օրերին, Տավուշի մարզի մի շարք սահմանամերձ գյուղերից անընդհատ տեղեկություններ են ստացվում այն մասին, որ ադրբեջանական կողմն ինտենսիվորեն կրակահերթ է արձակում հայկական գյուղերի ուղղությամբ: Կրակի տակ են հատկապես Այգեպար, Ներքին Կարմրաղբյուր, Չինար, Մովսես, Պառավաքար գյուղերը: Համացանցում նաև տեսանյութեր են շրջանառվում, որոնցում հստակ երևում է Ադրբեջանի կողմից արձակվող կրակահերթերը:

Վերոնշյալ տեղեկատվության, ինչպես նաև` հայկական կողմի ձեռնարկած քայլերի առնչությամբ Panorama.am-ը զրուցեց պաշտպանության նախարարի մամուլի խոսնակ Արծրուն Հովհաննիսյանի հետ:

Նրա փոխանցմամբ, ադրբեջանական կողմը վերջին օրերին բավականին ակտիվացել է:

«Հակառակորդը կրակ է բացում ոչ միայն հայկական մարտական հենակետերի, այլ բնակավայրերի ուղղությամբ: Բարեբախտաբար, հայկական կողմը կորուստներ չունի, սակայն Ադրբեջանին հաջողվել է որոշակի ավերածությունների պատճառ դառնալ»,- ասաց Ա. Հովհաննիսյանը:

Վերջինս ասաց, որ հակառակորդը հիմնականում կրակ է բացում խոշոր տրամաչափի զենքերից, ակտիվ են նաև դիպուկահարները:

Հարցին, թե ի՞նչ քայլերի են գնում ՀՀ ԶՈՒ առաջապահ ստորաբաժանումները, կասեցնելու հակառակորդի ագրեսիվ գործողությունները, Ա. Հովհաննիսյանը նշեց, որ հայկական ստորաբաժանումները հրաման ունեն` ամեն գնով կասեցնելու ադրբեջանական կողմի ագրեսիան, ՊՆ-ն համապատասխան քայլեր է ձեռնարկում` լռեցնելու հակառակորդին:

Placeholder