Մայթերն ու անցումները պատված են սառույցի շերտով

Նախօրեին տեղացած ձյունը ոչ միայն անակնկալի բերեց մարդկանց, այլև իսկական գլխացավանք դարձավ:

Երեկ մայթերի մոտ ձյան շերտի տակ ջրափոսեր էին, կանգառում իջնել կամ փողոց անցնել առանց թրջվելու, անհնար էր:

Նախօրեին ձյան մաքրման աշխատանքներ քաղաքում չեղան, գոնե այդ մասին էին վկայում փողոցներին և մայթերին ձյան ու ջրի կուտակումները:

Այսօր առավոտյան արդեն քաղաքի կենտրոնում մայթերն ու ստորգետնյա անցումները սառած էին, իսկ անցում մտնել ու դուրս գալը ոչ միայն երկար ժամանակ էր խլում, այլև մեծ ջանքեր էր պահանջում` չնկնելու և կոտրվածքներ չստանալու համար:

Այսօր արդեն երկուշաբթի է, քաղաքային իշխանությունները, կարելի է ասել, անգործություն դրսևորեցին:

Մնում է հուսալ, որ որևէ մեկը սառույցի պատճառով չի սայթաքի և վնասվածքներ չի ստանա, ու բանը կավարտի միայն թրջվելով: Մինչև որ, կոմունալ տնտեսության վարչությունը կկատարի իր պարտականությունները: