Վանաձորի Մանկավարժական ինստիտուտը կդառնա համալսարան, Բրյուսովն էլ` «լեզվահասարակագիտական»

ՀՀ կրթության և գիտության նախարարությունը կառավարությանն առաջարկում է երկու բուհերի անվանման մեջ փոփոխություն կատարել: Կառավարության նիստում ներկայացվելիք որոշումների նախագծերով նախատեսվում է վերանվանել Երևանի Բրյուսովի անվան պետական լեզվաբանական համալսարանն ու Վանաձորի Թումանյանի անվան պետական մանկավարժական ինստիտուտը:

Այսպես, ըստ ներկայացված որոշման նախագծի, առաջարկվում է «Երևանի Վ. Բրյուսովի անվան պետական համալսարան» պետական հիմնարկը վերակազմակերպել, «լեզվաբանական» բառը փոխարինել «լեզվահասարակագիտական» բառով: Ըստ ներկայացված փոփոխության, նախատեսվում է «գիտական» բառը փոխարինել «գիտահետազոտական» բառով:

Մեկ այլ որոշման նախագծով նախատեսվում է Վանաձորի Հ. Թումանյանի անվան պետական մանկավարժական ինստիտուտը դարձնել համալսարան: Առաջարկվում է հաստատությանը տալ «Վանաձորի Հ. Թումանյանի անվան պետական համալսարան» պետական ոչ առևտրային կազմակերպություն անվանումը:

Կարդացեք նաև`

Վարչապետն անդրադարձավ Վանաձորի մանկավարժականի և ՀՊՃՀ մասնաճյուղի միացման շուրջ դժգոհություններին

Վանաձորի մանկավարժականը և ՀՊՃՀ մասնաճյուղը միավորելու նախագիծ. «Այդ արհեստական միացումը ճիշտ չէ»

Վանաձորի մանկավարժական ինստիտուտի և Պոլիտեխնիկի մասնաճյուղի միավորումը. Ո՞ր փուլում է հարցը