Սամվել Սևյանը գրավել է առաջին տեղը

Միջազգային վարպետ Սամվել Սևյանն ԱՄՆ-ի Սենթ Լուիս քաղաքում շրջանային կարգով անցկացված մրցաշարում 9 հնարավորից վաստակել է 6,5 միավոր և միանձնյա նվաճել առաջին մրցանակը:

Ինչպես տեղեկացնում է Հայաստանի շախմատի ֆեդերացիայի պաշտոնական կայքը, մրցաշարին մասնակցում էին գրոսմայստերներ և միջազգային վարպետներ ԱՄՆ-ից, Հնդկաստանից, Բելառուսից, Հունգարիայից և Կանադայից: