Տիգրան Պետրոսյանը` առաջատարների խմբում

Գրոսմայստեր Տիգրան Լ. Պետրոսյանը Բուլղարիայի Ոսկե Ավազներ քաղաքում անցկացվող օփենում վերջին տուրից առաջ 8 հնարավորից վաստակել է 6,5 միավոր և գլխավորում է մրցաշարային աղյուսակը:

Ինչպես տեղեկացնում է Հայաստանի շախմատի ֆեդերացիայի պաշտոնական կայքը, նույնքան միավոր ունեն նաև գրոսմայստերներ Աքսել Բախմանը (Պարագվայ), Դրագան Սոլակը (Թուրքիա) և Պավել Սմիրնովը (Ռուսաստան), բայց նրանք հայ շախմատիստին զիջում են լրացուցիչ ցուցանիշներով:

Գրոսմայստերներ Հովհաննես Գաբուզյանը և Վլադիմիր Հակոբյանը վաստակել են 6-ական, ՖԻԴԵ-ի վարպետ Տիգրան Ս. Պետրոսյանը` 5,5 միավոր: