Գալուստ Սահակյանը Ստեփանակերտում մասնակցել է Սեյրան Օհանյանի թոռնիկի կնունքին. «Առավոտ»

Հունիսի 13-15-ին Ստեփանակերտում էր գտնվում ԱԺ պատվիրակությունը` ԱԺ նախագահ Գալուստ Սահակյանի գլխավորությամբ: Ստեփանակերտում տեղի է ունեցել ՀՀ Ազգային ժողովի և ԼՂՀ Ազգային ժողովի միջև համագործակցության միջխորհրդարանական հանձնաժողովի 9-րդ նիստը:

Մինչ պաշտոնական օրակարգի մեկնարկը` հայաստանցի պատգամավորները մասնակցել են նաև ՀՀ ՊՆ Սեյրան Օհանյանի թոռնիկի մկրտության արարողությանը: Խնջույքին հրավիրված են եղել ՀՀ ԱԺ պատվիրակության բոլոր անդամները: Կնունքին մասնակցել են ԱԺ նախագահ Գալուստ Սահակյանը, ՀՀ ԱԳ փոխնախարար Շավարշ Քոչարյանը, և ՀՀԿ-ական պատգամավորներ»:

«Առավոտ»-ին չի հաջողվել ճշտել, թե ընդդիմադիր պատգամավորներից ովքեր են ընդունել Սեյրան Օհանյանի հրավերը:

Թերթը նաև նշել է, որ Սեյրան Օհանյանի երկու որդիները բնակվում են Ստեփանակերտում: