«Թող սպասեն մինչև հաջորդ ընտրությունները». Շարմազանովը՝ քառյակին. «168 Ժամ»

Երբ ոչ իշխանական ուժերից բաղկացած «Հրաշալի քառյակը» հրապարակեց իր 12 կետից կազմված հայտարարությունը, ՀՀԿ վերնախավի ներկայացուցիչների արձագանքը բավականին դրական էր: Նրանք համարում էին, որ քառյակի վարքագիծը դարձել է ավել կառուցողական, քանի որ հրաժարականների փոխարեն՝ քառյակը փորձում է տնտեսական և իրավական բարեփոխումներ կատարելու առաջարկներ ներկայացնել իշխանությանը: Սակայն կարճ ժամանակ անց ՀՀԿ-ականների դիրքորոշման մեջ կտրուկ փոփոխություն տեղի ունեցավ, և նրանք, ըստ էության, հայտարարեցին, որ մերժում են քառյակի հետ համագործակցության որևէ հնարավորություն:

«Եթե քառյակն ուզում է ծրագիր իրականացնել, որևէ խնդիր չկա, թող սպասի մինչև հաջորդ ընտրությունները, եթե բարով-խերով հաջողության կհասնեն, այդ ժամանակ 12 կետ չէ, թող 120 կետ իրականացնեն»,-«168 Ժամ»-ի թղթակցի հետ զրույցում ասել է ԱԺ փոխնախագահ Էդուարդ Շարմազանովը: