Ադրբեջանի նախագահը խեղաթյուրում է իրականությունը. Հայ պատվիրակը արձագանքել է ԵԽԽՎ-ում Ալիևի ելույթին

Եվրոպայի խորհրդի անդամ երկիր Ադրբեջանում քսենոֆոբիան ու ատելությունը դարձել է պետական քաղաքականության մաս և այնտեղ կրթական ծրագրերը, մեդիան, քաղաքացիական հասարակություն, նույնիսկ արտաքին քաղաքականությունը մեկ առաքելություն ունեն` տարածել քսենոֆոբիա ու ատելություն հայկական էթնոսի նկատմամբ: Եվրոպայի խորհրդի խորհրդարանական վեհաժողովի լիագումար նիստում հայտարարել է հայկական պատվիրակության անդամ Նաիրա Կարապետյանը:

«Ադրբեջանի հասարակությունը այդ պատճառով ատում է այն ամենը, ինչ կապված է Հայաստանի ու հայկական մշակույթի հետ: Բոլորս ենք հիշում Ռամիլ Սաֆարովի դեպքը, որը սպանել էր հայ սպա Գուրգեն Մարգարյանին, ով քնած էր եղել: Նման դաժան սպանություններ կարող են պատահել ամեն օր, ցանկացած վայրում, որովհետև ադրբեջանական հասարակության անընդհատ սնել են ու դաստիարակել հայերի նկատմամբ ատելության զգացումով», -հայտարարել է Կարապետյանը:

Պատգամավորի խոսքով, Ադրբեջանի իշախանությունները փորձում են ջանքեր գործադրել միջազգային հասարակությանը ցուցադրելու, որ բարեփոխումներ են իրականացնում:

«Մի քանի ժամ առաջ մենք այստեղ լսեցիք ելույթ, որտեղ ճշմարտությունը խեղաթյուրված էր. Ադրբեջանի նախագահը խոսում էր երկրում իրականացվող բարեփոխումներից, նշում էր, որ կոռուպցիան նվազել է երկրում, ազատ խոսք կա: Սակայն միևնույն ժամանակ մենք տեսանք, թե ինչպես երիտասարդները բերանները փակ ակցիա իրականացրին` ցույց տալով, որ երկրում ազատ խոսք չկա», -հավելել է Կարապետյանը:

Հարակից հրապարակումենր`

ԵԽԽՎ-ում Ալիևը պաշտպանվում էր՝ «հարձակվելով» պատգամավորների վրա

Եվրոպան ականտես է Ալիևի ոչ ադեկվատությանն իր ողջ հմայքով. Ա.Հովհաննիսյան

Ալիևի ելույթի ժամանակ ակտիվիստները կապել են բերանները (լուսանկար)

Հայկական պատվիրակությունը որևէ հարցով չի դիմի Ալիևին. Հ.Նաղդալյան