«Վառնա օփենն» ավարտվեց Հովհաննես Գաբուզյանի փայլուն հաղթանակով

Բուլղարիայի Վառնա քաղաքում ավարտված օփեն մրցաշարում փայլուն արդյունքի է հասել երևանցի գրոսմայստեր Հովհաննես Գաբուզյանը: Մեր շախմատիստը 9 հնարավորից վաստակել է 7,5 միավոր և գրավել 1-ին տեղը:

Երկրորդ հորիզոնականը զբաղեցրել է Ռուսաստանի ներկայացուցիչ Վլադիմիր Դոբրովը, իսկ լավագույն եռյակը եզրափակել է բուլղարացի գրոսմայստեր Ռադոսլավ Դիմիտրովը: