Հնդկաստանն Իրանին է վճարել նավթի վաճառքից ստացված 550 միլիոն դոլար պարտքը

«Հնդկաստանն Իրանին է վճարել նավթի վաճառքից ստացված 550 միլիոն դոլար պարտքը»,-այդ մասին հաղորդում է իրանական «ԻՌԻԲ» լրատվական գործակալությունը:

Համաձայն տեղեկատվության՝ Իրանի և «5+1 խմբի» միջև 2013թ. նոյեմբերին ստորագրված ժնևյան համաձայնագրի համաձայն՝ արտասահմանյան բանկերում Իրանի նավթի վաճառքից կուտակված 4.2 միլիարդ դոլար գումարը պետք է ութ մասնավճարներով փոխանցվի Իրանին: Մինչ այդ, Հնդկաստանը և Ճապոնիան համապատասխանաբար 1,6 միլիարդ և 450 միլիոն դոլար արդեն փոխանցել էին Իրանին:

Հիշեցնենք, որ օրերս ԱՄՆ նախագահ Բարաք Օբաման միջուկային ծրագրի շուրջ ձեռք բերված համաձայնության շրջանակներում Իրանի կատարած մի շարք քայլերին ի պատասխան, որոշեց իրանական նավթի նկատմամբ սահմանված պատժամիջոցների մասին օրինագծի կիրառումը 6 ամսով հետաձգել: