Բրազիլիայի նախագահ. «Բրազիլիա, կանգնիր, թափ տուր փոշին ու վերադարձիր»

Բրազիլիայի նախագահ Դիլմա Ռուսեֆն արձագանքել է Գերմանիայի ընտրանու հետ «ԱԱ-2014»-ի կիսաեզրափակիչ խաղում իր երկրի գլխավոր թիմի կրած պարտությանը (1:7):

«Ինչպես բոլոր բրազիլացիները, ես շատ-շատ եմ տխրել այս պարտությունից: Խորապես ցավակցում եմ երկրպագուներին ու հավաքականի խաղացողներին: Բայց եկեք մոխիր չտանք գլխներիս: Բրազիլիա, կանգնիր, թափ տուր փոշին ու վերադարձիր»,- գրել է Ռուսեֆն իր թվիթթերյան էջում: