Սահմանամերձ գյուղերում հանգստյան օրերին խաղաղ է եղել

Սահմանամերձ գյուղերում հանգստյան օրերին խաղաղ է եղել, հակառակորդը գյուղերի ուղղությամբ կրակ չի բացել:

Panorama.am-ի թղթակցի հետ զրույցում Տավուշի մարզի Չինարի համայնքի ղեկավար Սամվել Սաղոյանն ասաց, որ թեև գյուղի վրա չեն կրակել, սակայն հենակետերի ուղղությամբ կրակոցներ հնչել են:

Նշենք, որ վերջին անգամ Չինարիի ուղղությամբ հակառակորդը կրակել էր շաբաթ օրը, իսկ հունիսի 10-ին 4 ժամ կրակի տակ էր պահել գյուղը:

Վերջին շրջանում հակառակորդը պարբերաբար գնդակոծում էր սահմանամերձ գյուղերը` նյութական վնասներ պատճառելով գյուղացիներին: Նախորդ ամսի վերջին Պառավաքար համայնքի ուղղությամբ արձակված կրակից վիրավորվել էր 16-ամյա Արմեն Բրուտյանը:

Կարդացեք նաև`

Հակառակորդը 4 ժամ կրակի տակ է պահել Չինարին

ՊՆ. Սահմանամերձ գյուղերի ուղղությամբ կրակոցների ինտենսիվությունը մի փոքր թուլացել է

«Միշտ էլ պինդ ենք, թող թիկունքը պինդ լինել սովորի». Տավուշի գյուղերի վրա այսօր ևս կրակել են

Կրակոցներ Չորաթանում. «Թուրքերը հի՞լ են անում, եղած-չեղածը բրախել ենք բաղերում»