Գյուղապետ. Ցանքատարածությունների մոտ 15 տոկոսը կարկուտը վնասել է

Արագածոտնի մարզի Զարինջա համայնքի ցորենի և գարու ցանքատարածությունների մոտ 15 տոկոսը նախօրեին տեղացած կարկուտի հետևանքով վնասվել է:

Համայնքի ղեկավար Սևադա Մանուկյանը Panorama.am-ին ասաց, որ կարկուտը տեղ-տեղ հասկն է կոտրել, հատիկները՝ թափել:

«Երեկոյան անձրևից հետո գնացինք, մոտ 120-130 հեկտարի վրա եկել է: Շատ ահավոր կարկուտ չի եղել, երկար չի տևել»,- ասաց նա:

Երեկ կարկուտի հետևանքով Արագածոտնի մարզի Ցամաքասար (50 հա) և Զարինջա գյուղերում (70 հա) վնասվել են այգիներ, ցորենի և գարու չհնձած արտեր:

Նախորդող նորություն՝
«Տա Աստված, մեծ վնաս չլինի». Արագածոտնում կարկուտի վնասները ճշտվում են
Կարկուտն Արագածոտնի մարզում ցորենի և գարու չհնձած արտեր է վնասել