Պայծառակերպության տոնին Ս. Պատարագ կմատուցվի

Հուլիսի 27-ին` Տիրոջ Պայծառակերպության տոնին, ուխտի Ս. Պատարագ կմատուցվի Արագածոտնի թեմի Ս. Հովհաննավանք եկեղեցում:

Ավանդույթի համաձայն` այդ օրը Մայր Աթոռ Ս. Էջմիածնից Ս. Հովհաննավանք կտարվի Ս. Հովհաննես Մկրտչի մասունքը, և ներկաները հնարավորություն կունենան համբուրել և օրհնություն ստանալ սրբի մասունքներից: Այդ մասին տեղեկացնում են Մայր Աթոռի լրատվական ծառայությունից: