Արցախում ծնունդների թվի աճ է գրանցվել

Լեռնային Ղարաբաղի Հանրապետությունում անցած տարվա հունիս ամսին գրանցված 192 ծննդի դիմաց, այս տարի նույն ժամանակահատվածում ծնունդների թիվը հասել է 212-ի:  Այս մասին հայտարարել է ԼՂՀ առողջապահության նախարարության վիճակագրական վերլուծական բաժնի վարիչի պաշտոնակատար Ագապի Հայրունին, փոխանցում է «Արցախպրես»-ը:

Պաշտոնյան մանրամասնել է, որ 175 ծնունդ գրանցվել է Ստեփանակերտի ծննդատանը, ընդ որում, 104-ը եղել են Ստեփանակերտի ծննդկաններ, 14-ը՝  Ասկերանի, 6-ը՝ Շուշիի, 18-ը՝ Մարտակերտի, 8-ը՝ Հադրութի, 19-ը՝ Մարտունու, 5-ը՝ Քաշաթաղի, 1-ը՝ Շահումյանի շրջաններից: 

Հանրապետության 5 շրջանների ծննդատներում ծնունդների հետևյալ պատկերն է արձանագրվել՝ Մարտակերտ՝ 13, Մարտունի՝ 14, Հադրութ՝ 5, Շուշի՝ 1, Քաշաթաղ՝ 4:

Ա. Հայրունին նաև ասել է, որ հունիս ամսին հանրապետական ծննդատանը գրանցված նորածիններից 85-ը եղել են տղաներ, իսկ 92-ը՝ աղջիկներ: