Գազպրոմ Արմենիա. ՀՀ սպառողների գազամատակարարումը կիրականացվի առանց սահմանափակումների

Վրաստանի գազատրանսպորտային ընկերությունը պաշտոնապես տեղեկացրել է «Գազպրոմ Արմենիա» ընկերությանը՝ օգոստոսի 20-ին ժամը 23:45-ից Հայաստան բնական գազի մատակարարումը ժամանակավոր դադարեցնելու մասին՝ Վրաստանի տարածքում Հյուսիսային Կովկաս-Անդրկովկաս մայրուղային գազատարի վրա տեղի ունեցած վթարի պատճառով:

«Գազպրոմ Արմենիա» ընկերությունից հայտնում են, որ Հայաստանի Հանրապետության սպառողների գազամատակարարումը «Գազպրոմ Արմենիա» ՓԲԸ կողմից կիրականացվի պահուստային ռեզերվների հաշվին ՝ առանց սահմանափակումների:

Հիշեցնենք, որ օգոստոսի 20-ին, ժամը 22.30-ին Վրաստանի Հանրապետության ՆԳՆ ԱԻ դեպարտամենտից տեղեկություն է ստացվել, որ փլուզման հետևանքով Ստեփանծմինդա-Լարս ավտոճանապարհը փակ է:

Նախորդող հրապարակում`
Գազամատակարարումը դեպի Հայաստան դադարեցվել է