«Շախտյորի» մարզաբազայի գլխավոր կորպուսը ոչնչացված է

Հրետակոծության արդյունքում լրջորեն տուժել է Դոնեցկի «Շախտյորի» մարզաբազան:

«Օգոստոսի 29-ի լույս 30-ի գիշերը երկու արկով ոչնչացվել է «Շախտյորի» մարզաբազայի գլխավոր կորպուսը, որտեղ ապրում ու վերականգնվում էր ակումբի առաջին թիմը»,- ֆեյսբուքյան իր էջում գրել է «Շախտյորի» գլխավոր տնօրեն Սերգեյ Պալկինը:

Ավելացնենք, որ դոնեցկյան ակումբի մարզաբազան վերջին մի քանի օրվա ընթացքում երկրորդ անգամ է տուժում: Ավելի վաղ մարզաբազայի վրա 4 արկ է ընկել, որոնք, դատելով լուսանկարներից, զանգվածային ավերածություններ չեն առաջացրել: