Հանրակրթական դպրոցներից 491-ը հիմնանորոգման կարիք ունեն

Հայաստանի հանրակրթական դպրոցներից 491-ը հիմնանորոգման կարիք ունեն: Տվյալը հրապարակել է Ազգային վիճակագրական ծառայութունը:

Հանրակրթական պետական և ոչ պետական դպրոցների շենքային պայմանների մասին հաշվետվության մեջ նշվում է, որ հիմնանորոգման կարիք ունեցող դպրոցներն ամենանաշատը Երևան քաղաքում են՝ 87, իսկ ամենաքիչը՝ Վայոց ձորի մարզում՝ 11:

Արագածոտնի մարզում հիմնանորոգման կարիք ունի 45, Արարատի մարզում՝42, Արմավիրում՝ 39, Գեղարքունիքում՝ 65, Լոռիում՝ 51, Կոտայքում՝ 35, Շիրակում՝ 50, Սյունիքում՝ 45, Տավուշում՝ 21 դպրոց:

2009 թվականին հիմնավերանորոգման կարիք ունեցող դպրոցների թիվը եղել է 641:

Հանրապետության հանրակրթաան դպրոցներից ընթացիկ նորոգման կարիք ունեն 225-ը, 2009-ի համեմատ այս թիվը նվազել է 8-ով:

Հանրակրթական 718 դպրոցների  շենքային պայմանները բավարար են: 2009 այդ թիվը եղել է 583:

Նշենք, որ դպրոցներից 5-ում ջեռուցում չկա, իսկ 2009-ի համեմատ այդ թիվը նվազել է 72-ով:

2013/2014 ուսումնական տարում հանրապետությունում գործել են հանրակրթական ծրագրեր իրականացնող 1 434 հաստատություններ:

Կարդացեք նաև՝
14 աշակերտով Արևուտի դպրոցում դժվարություններ շատ կան, բայց լավատես են
Անկախության 1-ին տարեդարձին բացված կիսակառույց դպրոցն այս 23 տարում կիսակառույց էլ մնացել է
Տուն հիշեցնող շենքով և 16 աշակերտով. Դդմասարի դպրոցը