Գևորգ Հարությունյանի երրորդ մրցանակը

Գրոսմայստեր Գևորգ Հարությունյանն Իրանի մայրաքաղաք Թեհրանում ավարտված օփենում 9 հնարավորից վաստակեց 7 միավոր և 262 մասնակիցների մեջ բաժանեց 2-6-րդ տեղերը: Լրացուցիչ ցուցանիշներով Հարությունյանին շնորհվեց երրորդ մրցանակը: Այս մասին հայտնում է Հայաստանի շախմատի ֆեդերացիայի պաշտոնական կայքը:

Կես միավոր ավելի է վաստակել գրոսմայստեր Պուրիա Դարինին (Իրան), որն էլ դարձավ մրցաշարի հաղթող:

Գրոսմայստեր Դավիթ Պետրոսյանի արդյունքն է 6,5, միջազգային վարպետ Աշոտ Նադանյանինը` 6 միավոր: