Աշոցք-Գյումրի ավտոճանապարհին վրացական մեքենաներ են խցանվել

Այսօր՝ գիշերը ժամը 03:30-04:00-ի սահմաններում, Աշոցք-Գյումրի ավտոճանապարհի Քեթիի լեռնանցքում անվադողերի մաշվածության պատճառով  վրացական ծանրաքաշ 4 մեքենաներ խցանվել են: Այս մասին հայտնում է տրանսպորտի և կապի նախարարության լրատվական ծառայությունը:

Ճանապարհը սպասարկող «Մերձմոսկովյան» ԲԲ ընկերության ճանապարհաշինարարների կողմից տարվում են աշխատանքներ խցանված մեքենաները դուրս բերելու համար: Աշոցք-Գյումրի ավտոճանապարհը երկկողմանի երթևեկելի է: