Արքայազնի հարսանիքի տորթի կտորը վաճառվել է 7,5 հազար դոլարով

Արքայազն Վիլյամի ու Քեյթ Միդլթոնի հարսանեկան տորթի մի կտորը աճուրդում վաճառվել է 7,5 հազար դոլարով: Մինչ աճուրդը ենթադրվում էր, որ տորթի համար կվճարեն 1-2 հազար դոլար, սակայն սպասելիքները գերազանցվել են: Գրում է «Գազետա.ռու»-ն:

Մրգային տորթի մի կտորի մեկնարկային գինը սահմանվել էր 500 դոլար: Աճուրդը անցկացվել է դեկտեմբերի 5-ին և 6-ին: Հիշեցնենք, որ նրանց հարսանիքը կայացել էր 2011-ին: