Հովհաննես Գաբուզյանը` Իտալիայում

Գրոսմայստեր Հովհաննես Գաբուզյանն Իտալիայի Միլան քաղաքում անցկացված Կրեսպիի հուշամրցաշարում 9 հնարավորից վաստակեց 5,5 միավոր և 28 մասնակիցների մեջ գրավեց չորրորդ տեղը: 7 միավորով մրցաշարի հաղթող դարձավ գրոսմայստեր Էդուարդաս Ռոզենտալիսը (Լիտվա): Այս մասին հայտնում է Հայաստանի շախմատի ֆեդերացիայի պաշտոնական կայքը:

Իսկ այժմ Գաբուզյանը մասնակցում է Իտալիայի մեկ այլ քաղաքում` Պադովայում սկսված օփենին: Երկու տուրից հետո Հովհաննեսը վաստակել է 2 միավոր և յոթ այլ շախմատիստների հետ գլխավորում է մրցաշարային աղյուսակը: