Ֆինանսական շուկայում կայունացում է նկատվում. «ՀԺ»

«Երեկ Երևանի տարադրամի փոխանակման կետերում մեկ դոլարը գնում էին 460 դրամով: Առք և վաճառքի տարբերության նվազումը ցույց է տալիս, որ դրամի փոխարժեքի կտրուկ փոփոխությունների սպասումները նվազել են: Բայց խոսել արտարժույթի շուկայում վերջնական կայունացման մասին առայժմ շուտ է: Երկօրյա ընդմիջումից հետո երեկ ՀՀ կենտրոնական բանկը աճուրդով 2 միլիոն դոլար է վաճառել բանկերին այն դեպքում, երբ անցած տարի այս սեզոնին սովորաբար ԿԲ-ն էր դոլար գնում շուկայից»,-գրել է «Հայկական Ժամանակ»-ը: