Մոհամեդ Ալիի դուստր. «Լեգենդար բռնցքամարտիկն ապաքինվում է»

Ամերիկացի լեգենդար բռնցքամարտիկ 72-ամյա Մոհամեդ Ալին, ով թոքերի խնդիրների պատճառով հոսպիտալացվել է շաբաթ օրը, արագորեն ապաքինվում է: Այդ մասին հաղորդել է նրա դուստրը՝ Ռաշիդ Ալի-Ուոլշը:

«Իմ հայրն ուժեղ մարդ է,- ասել է Ալի-Ուոլշը:- Նա հիմա շատ արագ ապաքինվում է: Երբ տեսնեմ հորս, կպատմեմ բոլոր նրանց մասին, ովքեր իրենց աջակցությունն են հայտնում: Վստահ եմ, նրա համար շատ հաճելի կլինի իմանալ, որ այդ բոլոր մարդիկ մտքով իր հետ են: Նրան դա դուր կգա»: