Լևոն Հայրապետյանի առողջական վիճակը կտրուկ վատացել է

Նախօրեին Մոսկվայում կտրուկ վատացել է տնային կալանքի տակ գտնվող գործարար Լևոն Հայրապետյանի առողջական վիճակը, նրան շտապ հոսպիտալացրել են: «Արցախն այսօր» տեղեկատվական կենտրոնի փոխանցմամբ, այս մասին հայտնել է նրա բժիշկ Հենրի Բակունցը:

Հայրապետյանը քաղցկեղ ունի, ինչպես նաև սրտի ու ճնշման հետ կապված խնդիրներ, շաքարախտ:

«Նրան ստացիոնար բուժում է հարկավոր, հիվանդանոցում անցկացրած մի քանի օրը շատ քիչ է»,- ասում է բժիշկը:

Հիշեցնենք, որ «Բաշնեֆթի» գործով կալանավորված հայազգի գործարար Լևոն Հայրապետյանի նկատմամբ նշանակվել է տնային կալանք: