Ամենից շատ կարդացված նյութեր
.jpg "Նշանակվել են ԵՏՄ–ում Հայաստանի ներկայացուցիչները")
Հայաստանը հունվարի 2-ից Եվրասիական տնտեսական միության անդամ է: ԵՏՄ մարմիններն են՝ Բարձրագույն եվրասիական տնտեսական խորհուրդ, Եվրասիական միջկառավարական խորհուրդ, Եվրասիական տնտեսական հաձնաժողով, Եվրասիական տնտեսական միության դատարան:
Բարձրագույն խորհրդի կազմի մեջ մտնում են անդամ պետությունների ղեկավարները: Միջկառավարական խորհուրդը կազմված է ԵՏՄ անդամ պետությունների կառավարություների ղեկավարներից:
ԵՏՄ հանձնաժողովը միության մշտական գործող կարգավորող մարմինն է: Հանձնաժողովը բաղկացած է խորհրդից, որի կազմում ընդգրկված են անդամ պետությունների փոխվարչապետները ու կոլեգիայից, որը հանդիսանում է ԵՏՄ գործադիր մարմինը: Կոլեգիան կազմվում է անդամ պետություններից կողմից առաջադրված անդամներից:
Եվրասիական տնտեսական հանձնաժողովի խորհրդի անդամ է նշանակվել փոխվարչապետ, միջազգային տնտեսական ինտեգրման և բարեփոխումների նախարար Վաչե Գաբրիելյանը, իսկ կոլեգիայի անդամներ՝ Ռոբերտ Հարությունյանը, Կարինե Մինասյանը և Արա Նռանյանը: Նշանակումների մասին որոշումը տեղադրված են ԵՏՄ պաշտոնական կայքում:
Մեկ այլ որոշման համաձայն, ԵՏՄ դատարանի դատավորներ են նշանակվել Արմեն Թումանյանը և Էռնա Հայրիյանը:
Studio One