Իտալական Տոսկանա նահանգը ճանաչել է Հայոց ցեղասպանությունը

Իտալիայի Տոսկանա նահանգի խորհրդարանը Հայոց ցեղասպանությունը ճանաչող բանաձև է ընդունել, որով զորակցություն է հայտնում հայ ժողովրդին: Այս մասին գրված է horizonweekly.ca կայքում:

Բանաձևում նշված է, որ այն պետք է ուղարկվի Հռոմի Հայ համայնքի խորհրդի քարտուղարությանը, որպեսզի փոխանցվի Հայոց ցեղասպանության թանգարան:

Հայոց ցեղասպանության 100-րդ տարելիցի կապակցությամբ Հռոմի հայ համայնքի խորհուրդը, Հայոց ցեղասպանությունը ճանաչող բանաձևեր ընդունելու խնդրանքով նամակով դիմել է Իտալիայի նահանգապետարաններին ու քաղաքապետարաններին։