Հայ շախմատիստները` Աերոֆլոտ-օփենում

Մոսկվայում անցկացվող Աերոֆլոտ-օփենում երեք տուրից հետո «A» մրցաշարում Տիգրան Լ. Պետրոսյանը և Հովհաննես Գաբուզյանն ունեն 1,5-ական միավոր: Այս մասին տեղեկացնում է Հայաստանի շախմատի ֆեդերացիայի պաշտոնական կայքը:

«B» մրցաշարում Էլինա Դանիելյանը, Տիգրան Քոթանջյանը և Վահե Բաղդասարյանը վաստակել են 2,5-ական միավոր և երկու առաջատարներից հետ են մնում կես քայլով:

«C» մրցաշարում Արթուր Ղարագյոզյանը 3 միավորով գլխավորում է մրցաշարային աղյուսակը: