Քաղաքագետ. Ով չգա, ցույց կտա, որ մասնակից է թուրքական ֆաշիզմին (տեսանյութ)

«Դիմում եմ աշխարհի խոշոր տերություներին՝ Անգլիա, Ֆրանսիա, Ռուսաստան, դուք եթե ընդունում եք Դարդանելիի խեղկատակությունը, իբրև թե ընդհանուր ցավը կիսելու պարագա, ըստ էության, օրհնում եք թուրքական քաղաքականությունը»,- լրագրողների հետ հանդիպման ժամանակ ասաց քաղաքագետ Լևոն Շիրինյանը:

Ըստ նրա, եթե ՀՀ ԱԳՆ-ն լուրջ նախապատրաստվեր Հայոց ցեղասպանության 100-րդ տարելիցին, հետազոտած լիներ պատմությունը, աշխարհի բոլոր խոշոր տերություններին, քաղաքակիրթ մարդկության կենտրոնակայաններ պետք է պահանջ ուղարկեր, որ չմասնակցեն այդ խեղկատակությանը. «Նույնն է, ինչ որ հաստատել Ցեղասպանությունը: Դա պետք է ասվի»:

Ինչ վերաբերում է ապրիլի 24-ին Հայոց ցեղասպանության 100-րդ տարելիցի հիշատակի միջոցառումներին տարբեր երկրների ղեկավարների մասնակցության կամ չմասնակցության հարցին, Լ. Շիրինյանն ասաց. «Կգան, կգան, չեն գա, չեն գա:

Ով չգա, ցույց կտա, որ մասնակից է թուրքական ֆաշիզմին, ցեղասպանությանը, աշխարհում ամենասև ու ստոր գործարքներին: Այդպես էլ պետք է հայտարարվի աշխարհին: Իրենց պատիվ գործն է»:

Մանրամասները՝ տեսանյութում: