ԻԻՀ ԱԳ նախարար. Իրանի ու Հայաստանի միջև առկա են դինամիկ զարգացող հարաբերություններ

«Իրանում ՀՀ նորանշանակ դեսպանն ԻԻՀ ԱԳ նախարարին է հանձնել իր հավատարմագրերի պատճենը»,-այդ մասին հարորդում է իրանական «ԻՌՆԱ» լրատվական գործակալությունը:

Համաձայն հաղորդագրության` Իրանում ՀՀ նորանշանակ դեսպան Արտաշես Թումանյանն Իրանի ԱԳ նախարար Մոհամմադ Ջավադ Զարիֆի հետ հանդիպման ժամանակ վերջինիս է հանձնել է իր հավատարմագրերի պատճենը: Հանդիպման ընթացքում Հայաստանի դեսպանը նշել է, որ իր պաշտոնավարման ընթացքում ջանքեր կկործադրի, որպեսզի երկկողմ տնտեսական հարաբերություններն ավելի ընդլայնվեն:

Դեսպան Թումանյանը ողջունել է ապրիլի 2-ին Իրանի և «5+1 խմբի»` միջուկային խնդրի հանգուցալուծման սկզբունքների վերաբերյալ Լոզանում արված համատեղ հայտարարությունը:

Իրանի արտաքին գերատեսչության ղեկավարը, ընդգծելով հայ-իրանական մշակութային և պատմական խորը կապերը, նշել է, որ տարբեր ոլորտներում Իրանի ու Հայաստանի միջև առկա են դինամիկ զարգացող հարաբերություններ: