Անթալիայի հյուրանոցներից մեկում մի քանի տասնյակ մարդ է թունավորվել

Անթալիայի հինգաստղանի հյուրանոցներից մեկում՝ Hestia Resort & Spa-ում չորս տասնյակ մարդ է թունավորվել: Գազից թունավորման ախտանշաններով նրանք տեղափոխվել են հիվանդանոց: Տուժածներից 11-ը զբոսաշրջիկներ են: Գրում է «Ինտերֆաքս» գործակալությունը: 

Թունավորումը տեղի է ունեցել լողավազանի ախտահանման համակարգի անսարքության հետևանքով: Քլորը թթվի հետ քիմիական ռեակցիայի մեջ է մտել, ինչի հետևանքով թունավոր գազ է անջատվել, որն էլ տարածվել է ողջ շենքով մեկ: Դեպքի վայրում եղել են փրկարարներ: