ԻԼԻՊ-ը սպառնում է Սիրիայում ՅՈՒՆԵՍԿՕ-ի համաշխարհային ժառանգությանը

«Իրաքի և Լևանտի իսլամական պետության» գրոհայինները Սիրիայի Հոմս նահանգի Թադմուր քաղաքի մոտ թեժ մարտեր են մղում կառավարական զորքերի դեմ` սպառնալով ՅՈՒՆԵՍԿՕ-ի համաշխարհային ժառանգությանը:

«Պալմիրան վտանգի տակ է հայտնվել: ԻԼԻՊ-ը գրավել է բանակի բոլոր անցակետերը Ալ-Սուխնայում և Պալմիրայում»,-հայտարարել է Լոնդոնում տեղակայված մարդու իրավունքներին մոնիթորինգի սիրիական կենտրոնը:

Նշենք, որ Սիրիայում ՅՈՒՆԵՍԿՕ-ի վտանգի տակ հայտնված համաշխարհային ժառանգության ցուցակում են հայտնվել Դամասկոսի հին քաղաքը, Հալեպի հին քաղաքը, Պալմիրայի հուշարձանները, Բոսրայի հին քաղաքը, Խաչակիրների Կրակ-դե-Շևալյե և Սալահ Ադ-Դին ամրոցները, ինչպես նաև Հյուսիսային Սիրիայի հնագույն գյուղերը: