Կաթ մթերող ընկերությունները նվազեցրել են գյուղացիներից գնվող կաթի գինը. «ՀԺ»

Հայաստանի տարբեր մարզերից ահազանգեր են ստացվում, որ կաթ մթերող ընկերությունները նվազեցրել են գյուղացիներից գնվող կաթի գները: Ըստ ստացված ահազանգերի, մեկ լիտր կաթի գնման գինը նվազել է միջինը 10-20 դրամով:

«Հայկական Ժամանակ»-ի հետ ունեցած հեռախոսազրույցներում մի քանի գյուղապետեր, մասնավորապես՝ Գեղարքունիքի մարզից, հաստատել են տեղեկությունը, սակայն դժվարացել են բացատրել պատճառները: Բերդկունքի գյուղապետ Բաբկեն Դադիկյանը թերթին վարկած է ներկայացրել, թե դա կարող է պայմանավորված լինել կաթի արտադրության սեզոնային աճով:

«Թե ո՞րն է կաթի մթերման գնի նվազման իրական պատճառը և ինչո՞ւ են բոլոր մթերողները միաժամանակ նվազեցրել գինը կփորձենք պարզել առաջիկայում: Միայն նշենք, որ կաթնամթերքի գինը ՀՀ-ում, ըստ պաշտոնական վիճակագրության, անցած տարվա համեմատ աճել է ավելի քան 10 տոկոսով»,-հավելել է թերթը: