Միշել Պլատինին Հայաստանում է

ՈՒԵՖԱ-ի նախագահ Միշել Պլատինին հատուկ չարտերային չվերթով մեկօրյա ոչ պաշտոնական այցով այսօր ժամանեց Երևան: Երևանի «Զվարթնոց» օդանավակայանում Միշել Պլատինիին դիմավորեց ՀՖՖ նախագահ Ռուբեն Հայրապետյանը: Այնուհետև Պլատինին այցելեց Մայր Աթոռ Սուրբ Էջմիածին, որից հետո կուղևորվի ՀՖՖ տեխնիկական կենտրոն՝ ֆուտբոլի ակադեմիա, որտեղ ժամը 17:00-ին տեղի կունենա բրիֆինգ լրագրողների հետ: Երեկոյան ՀՖՖ նախագահի անունից կմատուցվի ընթրիք: Այս մասին հայտնում է ՀՖՖ պաշտոնական կայքը: