ԲՀԿ-ն չի պաշտպանելու վարչապետի որդու թեկնածությունը. «Ժամանակ»

ԲՀԿ-ական պատգամավոր Միքայել Մելքումայանը երեկ «Ժամանակ»-ի հետ զրույցում ասել է, որ Արտաշատի ընտրություներում որևէ թեկնածու չեն պաշտպանելու. «Եղել է քննարկում, որոշել ենք որևէ մեկին չպաշտպանել»:

Ինչպես հայտնի է Արտաշատ քաղաքի քաղաքապետի ընտրություններում առաջադրվել է նաև վարչապետ Հովիկ Աբրահամյանի որդին՝ Արգամ Աբրահամյանը: «Ժամանակ»-ի թղթակիցը հետաքրքրվել է արդյո՞ք ԲՀԿ-ն չի պաշտպանի Ա.Աբրահամյանի թեկնածությունը: Չէ՞ որ նա ԲՀԿ նախկին ղեկավար Գագիկ Ծառուկյանի փեսան է:

«Բարեկամությունն ու խնամիությունը որևէ կապ չունեն քաղաքականության հետ»,- ասել է Մ.Մելքումյանը: