Այս շաբաթվա ընթացքում Սահմանադրության փոփոխված գլուխները կհանձնվեն հանրության դատին. «ՀԺ»

Անցած հանգստյան օրերին սահմանադրական փոփոխությունների մասնագիտական հանձնաժողովի անդամները և նախագահը հանդիպել ու վերջնական տեսքի են բերել Սահմանադրության առաջին երեք գլուխների փոփոխությունները: Քննարկումները տեղ են ունեցել Ծաղկաձորում: Սպասվում է, որ այս շաբաթվա ընթացքում Սահմանադրության փոփոխված գլուխները կհանձնվեն հանրության դատին:

Հիշեցնենք, մասնագիտական հանձնաժողովի նախագահ Գագիկ Հարությունյանը օրեր առաջ հայտարարել էր, նաև, որ հունիսի սկզբին քննարկումներ են նախատեսվում քաղաքական այն ուժերի հետ, որոնք իրենց առաջարկներն ու նկատառումներն էին ներկայացրել սահմանադրական փոփոխությունների վերաբերյալ: