էլէկտրաէներգիայի սակագինը դեռ չթանկացած, որոշ տնտեսվարողներ սկսել են թանկացնել իրենց արտադրանքը. «Ժողովուրդ»

Հայաստանում էլեկտրաէներգիայի սակագինը դեռ չթանկացած որոշ տնտեսվարողներ արդեն իսկ սկսել են թանկացնել իրենց արտադրանքը: Այս օրերին «Ժողովուրդ»-ը պարբերաբար ահազանգեր է ստացել հանրային սննդի սպասարկման օբյեկտների սեփականատերերից այն մասին, որ մատակարարներն իրենց արդեն իսկ տեղեկացրել են, որ նոր ապրանքը թանկ գներով են առաքելու: Մասնավորապես, արդեն իսկ թանկացած գներով է սկսել իր ապրանքը հանրային սննդի սպասարկման օբյեկտներին առաքել «Կոտայք» գարեջրի գործարանը:

Սակայն, երբ «Ժողովուրդ»-ը կապ է հաստատել «Մուլտի գրուպ» ընկերության գործադիր տնօրեն Սեդրակ Առուստամյանի հետ՝ պարզելու համար, թե ինչու են իրենց ապրանքը թանկացրել, նա վստահեցրել է, որ թանկացում չի եղել:

«Նման բան չկա: Գարեջուրը չի թանկացել: Իսկ առաջիկայում թանկանալու մասին դեռ հստակ տեղեկություն չունեմ»,-ասել է Սեդրակ Առուստամյանը: