Ամենից շատ կարդացված նյութեր

17:17 16/06/2015

Առողջապահության նախարարն Ուռուցքաբանության կենտրոն այցի ընթացքում հիվանդի է վիրահատել (լուսանկարներ)

ՀՀ ԱՆ Վ.Ֆանարջյանի անվան ուռուցքաբանության ազգային կենտրոն աշխատանքային այցի շրջանակում ՀՀ առողջապահության նախարար Արմեն Մուրադյանը ծանոթացել է կենտրոնում իրականացվող բարեփոխումներին:

ՀՀ առողջապահության նախարարության մամուլի ծառայությունից տեղեկացնում են, որ մասնավորապես` վերանորոգվել և այցելուներին նորովի է ներկայանում առաջին հարկում տեղակայված ընդունարանը, որտեղ կատարվում է հիվանդների հերթագրումը:

Ընդարձակ սրահներում էլեկտրոնային եղանակով կատարվում է հերթագրում, ամբուլատոր քարտերի բացում, ձևակերպվում է հիվանդության պատմագիրը:

Այս նորարարությունը, Ուռուցքաբանության ազգային կենտրոնի տնօրեն Արմեն Տանանյանի խոսքով, հնարավորություն է տալիս խուսափելու հերթերի գոյացումից, ինչը դժգոհություն էր առաջացնում հիվանդների շրջանում:
Օրական այստեղ սպասարկվում է ավելի քան 200 այցելու:

Բարեկարգման աշխատանքներ են կատարվել նաև հիվանդանոցի հարակից տարածքում, վերանորոգվել է աստիճանավանդակը:

Ուռուցքաբանության կենտրոնում բուժում ստացող հիվանդներից մեկի, ինչպես նաև Ուրոլոգիական բաժանմունքի և ամբիոնի աշխատակիցների խնդրանքով նախարար Արմեն Մուրադյանը վիրահատել է հիվանդին՝ հաշվի առնելով վիրահատության բարդությունը:

Ներմիզուկային մասնատման վիրահատությունն անցավ բարեհաջող: Հիվանդի վիճակը գնահատվում է բավարար:

Placeholder