Բաղրամյան պողոտայից հեռացվել են ջրցան ու զրահապատ մեքենաները (տեսանյութ)

Բաղրամյան պողոտայից հեռացվել է ոստիկանական տեխնիկան՝ ջրցան և զրահապատ մեքենաները: Այժմ այնտեղ կանգնած է ոստիկանական երեք մեքենա:

«Այսօր այսպես է նպատակահարմար»,-լրագրողի հարցին ի պատասխան, թե ինչո՞ւ հանվեց ոստիկանական տեխնիկան, ասաց Երևանի փոխոստիկանապետ Վալերի Օսիպյանը:

Պատասխանելով հարցին, թե հնարավո՞ր է վաղը բերվի, նա ասաց. «Վաղվա օրվա առանձնահատկությունից ելնելով չի բացառվում այլ քայլերի գնանք: Յուրաքանչյուր օր առանձանահատուկ մոտեցում ունի»:

Հիշեցնենք, որ Բաղրամյան պողոտայում հունիսի 22-ից շարունակվում է նստացույցը: Քաղաքացիները պահանջում են չեղյալ հայտարարել հունիսի 17-ին Հանրային ծառայությունները կարգավորող հանձնաժողովի կողմից ընդունված օգոստոսի 1-ից էլեկտրաէներգիայի սակագինը 6.93 դրամով թանկացնելու որոշումը:

Նախորդող հրապարակում՝
Ոստիկանությունը ցուցարարների ողջամտության վրա է թողնել Բաղրամյան պողոտայի բացումը. Վ. Օսիպյան