Պաշտոնական. Կապելլոն հեռացավ Ռուսաստանի հավաքականից

Ֆաբիո Կապելլոն հեռացավ Ռուսաստանի ֆուտբոլի ազգային հավաքականի գլխավոր մարզչի պաշտոնից: ՌՖՄ-ն ու իտալացի մասնագետը համաձայնության են հանգել համագործակցության դադարեցման հարցում: Այս մասին հայտնում է ՌՖՄ-ի պաշտոնական կայքը: Կապելլոն պայմանագրի վաղաժամկետ դադարեցման համար 15 մլն եվրո փոխհատուցում կստանա:

Հիշեցնենք, որ 69-ամյա մասնագետն այդ պաշտոնում աշխատում էր 2012 թ.-ից:

Իր կարիերայի ընթացքում Կապելլոն տարբեր ժամանակներում գլխավորել է «Միլանը», «Ռեալը», «Ռոման», «Յուվենթուսը» և Անգլիայի հավաքականը: