Արմեն Սամուրթաշյանը՝ «Համաշխարհային ուսումնական լաբորատորիաներ» ծրագրի դասավանդման մասին (լուսանկարներ, տեսանյութ)

«Փորձում ենք ավելի խորը, այլ մեթոդներով և մոտեցմամբ սովորեցնել աշակերտներին»,-այսօր լրագրողների հետ զրույցում ասաց Արմեն Սամուրթաշյանը, ով եկել է Սան-Ֆրանցիսկոյից և դասախոսում է «Համաշխարհային ուսումնական լաբորատորիաներ» ծրագրի շրջանակներում:

Նշենք, որ «Լույս» և «Այբ» հիմնադրամները Հայկական բարեգործական ընդհանուր միության հետ Հայաստանում հյուրընկալել են Մասաչուսեթսի տեխնոլոգիական ինստիտուտի «Գիտության և տեխնոլոգիայի միջազգային նախաձեռնություններ» ծրագիրը, որն էլ Հայաստանում իրականացնում է «Համաշխարհային ուսումնական լաբորատորիաների» (Global Teaching Labs) ձևաչափով փորձնական դասընթացը:


Նա ասաց, որ փորձում են դասերն ավելի ինտերակտիվ ձևով կազմակերպել, գործնական օրինակներով, փորձերով՝ աշակերտների հետաքրքրությունը գրավելու համար:

Արմեն Սամուրթաշյանը լրագրողներին ներկայացրեց «Էլեկտրականություն և մագնիսականություն» հատուկ դասընթացի փորձերից մեկ օրինակ: Փորձ ամբողջությամբ տեսանյութում:
 

Նախորդող հրապարակում՝
«Համաշխարհային ուսումնական լաբորատորիաներ»՝ կրթական նոր նախագիծ «Այբ»-ում (լուսանկարներ, տեսանյութ)