«Դիսնեյլենդ». Հեքիաթային և երևակայական աշխարհն իրականություն է արդեն 60 տարի (լուսանկարներ)

60 տարի առաջ այս օրը Լոս Անջելեսից ոչ հեռու գտնվող Անահայմ քաղաքում առաջին անգամ բացվեց «Դիսնեյլենդը»: Նման վայր ունենալու գաղափարի հեղինակն էր  կինոռեժիսոր-մուլտիպլիկատոր Ուոլտ Դիսնեյը։ Նրա ցանկությունն էր ստեղծել այնպիսի վայր, որտեղ երեխաներն ու ծնողները կարող էին միասին հետաքրքիր ժամանակ անցկացնել:

«Դիսնեյլենդի» մուտքի ցուցանակին փորագրված է. «Բարի գալուստ բոլոր նրանց, ովքեր այստեղ ուրախություն կգտնեն: «Դիսնելենդը» ձեր երկիրն է… »։

Այգու ստեղծման համար ծախսվել է 17 միլիոն դոլար: Ուոլտ Դիսնեյն ինքն է ղեկավարել աշխատանքները:

ՏԱՍՍ-ը գրում է, որ նախքան այգու բացումը, կանխատեսում էին, որ Ուոլտ Դիսնեյը սնանկանալու է, բայց «Դիսնելենդն» անմիջապես դարձավ հայտնի՝ յոթ շաբաթվա ընթացքում ընդունելով 1 միլիոն հյուր: Աշխատանքի առաջին տարում Դիսնելյենդն ունենում է 3,8 միլիոն այցելու:

1955 թ. ապրիլի 29

1955 թ. հուլիսի 17, Ուոլտ Դիսնեյը՝ նստած ամրոցի առջև

Առաջին այցելուները՝ Ուոլտ Դիսնեյի հետ