Արցախի Վանք գյուղը դարձել է ճանաչված զբոսաշրջային կենտրոն. Բ.Սահակյան

Արցախի Հանրապետության նախագահ Բակո Սահակյանը նախօրեին այցելել է Մարտակերտի շրջանի Վանք գյուղ և հանդիպել համայնքի բնակիչների հետ: Այս մասին հայտնում են Արցախի նախագահի աշխատակազմի տեղեկատվության գլխավոր վարչությունից:

Քննարկվել են գյուղում առկա խնդիրները, դրանց լուծման ուղիները: Նախագահ Սահակյանը նշել է, որ Վանքը հանրապետության ամենադինամիկ զարգացող գյուղերից մեկն է, որն արդեն իսկ դարձել է ճանաչված զբոսաշրջային կենտրոն` հավելելով, որ համայնքում այսուհետ էլ կիրականացվեն տարբեր ծրագրեր: