Դատապարտելի են այլ պետության մեջ մտնելու կոչերը. գրականագետ

«Եթե կոչեր են լինում այլ պետության կազմի մեջ մտնելու՝ դա դատապարտելի է, անեծք է, մենք գիտենք, թե ինչ դժվարությամբ ենք հասել մեր անկախությանը»,-այսօր լրագրողների հետ հանդիպմանը նման կարծիք հայտնեց գրականագետ Դավիթ Գասպարյանն՝ անդրադառնալով ԱՊՀ երկրների երիտասարդական միության խորհրդի նախագահ Անդրանիկ Նիկողոսյանի կոչին:

Նրա խոսքերով՝ եթե հասարակության մեջ կա մեկ հոգի, որ նման կոչ է անում, ուրեմն պետք է ձգտել էլ ավելի ամրապնդեն պատականությունը. «Չեմ ցանկանում որակել և պիտակ կպցնել այդ մարդուն, սակայն մերժում եմ այդ մարդու գոյությունը»:

Հովհաննես Թումանյանի անվան պետական տիկնիկային թատրոնի գեղարվեստական ղեկավար, ՀՀ արվեստի վաստակավոր գործիչ Ռուբեն Բաբայանն էլ ասաց.«Նա երիտասարդ կարիերիստ է, որը մտել է հոսանքների մեջ, դա իր պրոբլեմն է: Մենք պետք է հասկաանանք, ում ենք մեդալ տալիս ու ինչի համար: Նա ՀՀ քաղաքացի չէ և չի արտահայտում մեր երկրի շահերը, նա ընտրել է օտարը: Մենք ենք այս երկրի տերը, ոչ թե ուրիշ երկիրի վասալն է գալու և ասի, թե ինչ անենք»: