Ամենից շատ կարդացված նյութեր

11:07 11/09/2015

Պետդեպարտամենտը հաղորդագրություն է տարածել հայ-ադրբեջանական սահմանին լարվածության աճի վերաբերյալ

ԱՄՆ պետդեպարտամենտը Հայաստանի և Ադրբեջանի սահմանային գոտում լարվածության աճի կապակցությամբ հինգշաբթի օրը` սեպտեմբերի 10-ին տարածել է հաղորդագրություն, որտեղ դատապարտել է ռազմական գործողությունները:

Հաղորդագրությունում, մասնավորապես` ասված է.

«Մենք հավաստի տեղեկատվություն ենք ստացել, որ հայկական և ադրբեջանական ուժերը սահմանի երկայնքով օգտագործել են ականանետներ և այլ ծանր զինատեսակներ, ինչի հետևանքով գրանցվել են քաղաքացիական զոհեր և վնասվել են գյուղական բնակավայրեր: Մենք խորապես անհանգստացած ենք իրավիճակի սրացմամբ և դատապարտում ենք ցանկացած ռազմական գործողություն, որն ուղղված է քաղաքացիների դեմ: Մենք կոչ ենք անում անհապաղ դադարեցնել նման գործողությունները` լարվածության նվազեցման և քաղաքացիների շրջանում զոհերից խուսափելու համար»:

Պետդեպարտամենտը նաև կոչ է արել Հայաստանի և Ադրբեջանի նախագահներին հավատարիմ մնալ Լեռնային Ղարաբաղի հակամարտությունը ԵԱՀԿ Մինսկի խմբի համանախագահ երկրների հետ սերտ համագործակցության պայմաններում բանակցությունների ճանապարհով կարգավորելու սկզբունքին:

Placeholder