Ամենից շատ կարդացված նյութեր

11:13 18/09/2015

Շուշիի արհեստագործական ուսումնարանը մեկնարկել է առաջին ուսումնական տարին

ԼՂՀ Շուշի քաղաքում սեպտեմբերի 19-ին պաշտոնապես կբացվի Եզնիկ Մոզյանի անվան նորակառույց արհեստագործական ուսումնարանը:

450 ուսանողի համար նախատեսված ուսումնարանը, որը սեպտեմբերին մեկնարկել է իր առաջին ուսումնական տարին, շինարարական արհեստների մասնագիտական ուսուցման միակ կրթօջախն է Արցախում:

«Հայաստան» համահայկական հիմնադրամի հասարակայնության հետ կապերի բաժնից հայտնում են, որ կրթօջախը կառուցվել է «Հայաստան» համահայկական հիմնադրամի Ֆրանսիայի տեղական մարմնի հովանավորությամբ և Լեռնային Ղարաբաղի կառավարության համաֆինանսավորմամբ:

Բացման հանդիսավոր արարողությանը կմասնակցի Ֆրանսիայից ժամանած մեծ պատվիրակությունը` Եզնիկ Մոզյանի ընտանիքի անդամները, նահանգների և քաղաքային իշխանությունների ղեկավարներ և ներկայացուցիչներ, հոգևոր հայրեր, հայկական միությունների ներկայացուցիչներ`Հիմնադրամի Ֆրանսիայի տեղական մարմնի ատենապետ Պետրոս Թերզյանի գլխավորությամբ: Հիմնադրամի գործադիր վարչությունը ներկայացնում է «Հայաստան» համահայկական հիմնադրամի գործադիր տնօրեն Արա Վարդանյանը:

Placeholder